На шляху да ўраджаю: абрад "Зажынкі" правялі ў КСУП "Малінаўка-Агра" і ААТ " Каўпень-Агра»

Усіх сабрала поле спелае, поле азімага ячменю. Беражлівае і паважлівае стаўленне да хлеба, да коласа, да зямлі-карміцелькі здаўна было ўласціва беларусам, а пачатак уборачнай страды суправаджаўся прыгожым земляробчым абрадам «Зажынкі».  Удзельнікаў уборачнай віталі хлебам-соллю. Каравай з леташняга ўраджаю ўручылі дырэктарам сельгаспрадпрыемстваў Васілю Глезаву, Пятру Носікаву. Насычаным атрымалася адкрыццё ўборачнай кампаніі. З песнямі сустракалі хлебаробаў артысты Лоеўшчыны.