Падары нованароджанаму вышыванку

У Лоеве прайшла акцыя «Падары нованароджанаму вышыванку». Сем'ям з нованароджанымі дзецьмі былі ўручаны кашулі з нацыянальным арнаментам, які з даўніх часоў лічыўся не проста элементам ўпрыгожвання адзення, але і абярэгам, якія прыносіць у дом шчасце, поспех і дабрабыт. Падобныя мерапрыемствы даюць магчымасць беларусам бліжэй пазнаёміцца з нашымі багатымі традыцыямі, бо толькі памятаючы і паважаючы мінулае, мы маем магчымасць будаваць шчаслівую светлую будучыню.