Сузор'е талентаў

26-27 сакавіка адбыўся абласны агляд-конкурс мастацкай творчасці работнікаў устаноў адукацыі «Сузор'е талентаў».  У філіяле Гомельскага абласнога Палаца творчасці дзяцей і моладзі свае праграмы прадставілі 25 раённых арганізацый, прафсаюзных арганізацый ўстаноў вышэйшай і сярэдняй спецыяльнай адукацыі.  Удзельнікі конкурсу выступілі ў вакале, харэаграфіі, інструментальным і тэатральна-драматычным жанры. Лоеўскую прафсаюзную арганізацыю работнікаў адукацыі і навукі прадставілі Юлія Лемех з ДУА « Дзіцячы сад № 3 г.п. Лоеў» і Дар'я Трэсцьян з ДУА «Лоеўская сярэдняя школа ім. А.В. Казлова».